Ambasadorja e SHBA-së, Yuri Kim ka uruar Shqipërinë dhe kryeministrin Edi Rama për udhëheqjen e OSBE-së gjatë vitit 2020.
Kim shprehet se Shqipëria e ka udhëhequr në mënyrë të suksesshme OSBE në një vit të vështirë siç është 2020.
"Urime Shqipërisë për udhëheqjen e suksesshme të OSBE gjatë një vitit të vështirë. Ne vlerësojmë vendosmërinë parimore të shprehur nga KM Rama në deklaratën e tij përmbyllëse duke kërkuar veprim për çështje të tilla si Bjellorusia, agresioni rus, liritë themelore”-thuhet në postimin e ambasadës amerikane.
Më tej, diplomatja amerikane ndan një pjesë nga fjala e Ramës në OSBE.
“Gjithashtu vini re zotimin e Edi Ramës”, shkruan Kim, dhe shpërndan fjalën e kryeministrit Rama “Asgjë nuk mund të ndryshojë mendjen tonë në lidhje me punën tonë të përkushtuar për t'u bërë pjesë e familjes së BE dhe asgjë nuk do të ndryshojë zemrën tonë duke qenë të përkushtuar në marrëdhëniet me Shtetet e Bashkuara dhe BE, duke u rreshtuar gjithmonë me ta kur bëhet fjalë për politikën tonë të jashtme.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
