Analisti Enton Abilekaj, në emisionin ‘Të Paekzpozuarit’ në MCN TV, komentoi protestën e 28 shkurtit të organizuar nga Partia Demokratike e Shqipërisë, gjatë së cilës pati edhe hedhje molotovësh drejt vilës 31 dhe djegie të kazanëve të mbeturinave.
Abilekaj u shpreh kritik ndaj strategjisë së opozitës, duke theksuar se forma e protestës nuk po arrin të mobilizojë qytetarët dhe as të prodhojë efekt politik. Sipas tij, këto protesta, me apo pa fishekzjarre, nuk frymëzojnë dhe nuk e çojnë opozitën drejt qëllimit të saj.
Rama po e përdor situatën në favor të vet, duke e paraqitur protestën si kërcënuese. Ndryshe nga herët e tjera, në terren nuk u panë efektive femra në rresht të parë, por forca të armatosura, çisterna dhe përdorim i ujit me piper, me qëllim përhapjen e frikës dhe zhvendosjen e vëmendjes nga përballja politike mes mazhorancës dhe opozitës.
Abilekaj theksoi se në protestë kishte shumë qytetarë që nuk ushtronin dhunë, por megjithatë u përballën me ndërhyrjen e policisë. Ai ngriti shqetësimin se në vend që debati publik të fokusohej te skandalet e qeverisë, vëmendja u përqendrua te djegia e vilës së ish-diktatorit Enver Hoxha.
Sipas tij, prania e protestuesve pranë vilës së Hoxhës ishte rastësore, pasi policia nuk i lejoi të vijonin në drejtimin e planifikuar. Analisti vuri në pikëpyetje nëse kjo lëvizje ndikoi në ndërgjegjësimin e qytetarëve apo thjesht solli shpërqendrim nga çështjet kryesore.
Në përfundim, Abilekaj deklaroi se protesta ishte në thelb e parrezikshme, por sipas tij, Rama zgjodhi ta trajtojë si të tillë për përfitim politik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
