Këshilltarët e këshillit bashkiak të bashkisë së Vlorës paraditen e sotme në orën 10:00 janë mbledhur në sallën “Rilindja” të universitetit “Ismail Qemali”, por Dritan Leli ashtu sikur pritej, pasi i kishte njoftuar ditën e djeshme nuk ka shkuar duke theksuar se është gati për të qenë i pranishëm vetëm online dhe jo fizikisht, pasi nuk lejohen grumbullimet për shkak të masave anti-COVID.
Këshilli Bashkiak kërkoi mbledhje urgjente pas kërkesës së kryebashkiakut për të shkarkuar nga detyra sekretarin e përgjithshëm të këshillit, Agron Gjipali, me argumentin se ka mbushur moshën e pensionit.
Shkresa e kryebashkiakut Leli i kërkonte anëtarëve të këshillit bashkiak të Vlorës të zgjedhin një sekretar të ri të përgjithshëm, për t’i dhënë hapësirë moshës së re për t’u inkuadruar në bashki.
Por, nga ana e tyre, anëtarët e këshillit bashkiak të Vlorës e kanë konsideruar këtë gjë tendencioze, duke refuzuar shkarkimin e Gjipalit nga detyra. Me 40 vota pro dhe 2 kundër, Këshilli Bashkiak ka votuar për vijimin në detyrë të sekretarit të përgjithshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
