Opozita në Maqedoninë e Veriut ka kërkuar dorëheqjen e kryeministrit Zoran Zaev pas deklaratave të tij në lidhje me bullgarët dhe identitetin maqedonas. Kryeministri i Maqedonisë së Veriut, Zoran Zaev kishtë thënë ditë më parë se bullgarët nuk kanë qenë fashistë dhe se nuk e mohojnë të drejtën e vet përcaktimit të maqedonasve.
Në një komunikatë për media, VMRO-DPMNE, thotë se e tërë Maqedonia duhet të turpërohet nga Zaev, dhe se duhet tashmë të dorëhiqet.
“Kryeministri në largim, Zoran Zaev, është njeriu nga i cili Maqedonia turpërohet. Politika e tij e përkuljes dhe të bërjes pazare me interesat kombëtare ka dështuar. I vetmuar dhe i frikësuar, sepse e ka të qartë se edhe bashkëpartiakët e tij dhe të gjithë qytetarët e kanë lexuar politikën e tij shkatërruese dhe gjithnjë e më shumë po e kundërshtojnë”, thuhet në komunikatën e VMRO-DPMNE-së.
“Askush në Maqedoni nuk do ta lejojë Zaevin, për interesat e tij personale dhe ruajtjen e kolltukut të bëjë pazare ne identitetin, gjuhën dhe popullin maqedonas, me historinë. Ai e shkeli dinjitetin e maqedonasve edhe atë jo vetëm të atyre të sot janë gjallë, por edhe të mijëra të cilët e dhanë jetën për Maqedoninë. Me çfarë të drejte e mohon luftën maqedonase në periudhën e Ilindenit?”, shtojnë nga VMRO-DPMNE.
“Për këtë përgjigjja e popullit është e ashpër dhe për këtë frika e kryeministrit në largim, Zoran Zaev, është e madhe. Populli nga ai kërkon falje për fyerjet ndaj Maqedonisë, ndaj popullit dhe historisë, ndërsa pastaj edhe dorëheqje.
Dorëheqje të Zaevit, liri për popullin.
Zaevi apo Maqedonia”, përfundon komunikata e VMRO-DPMNE, nënshkruar nga kryetari i saj, Hristian Mickovski.
Përplasjet ndërmjet Bullgarisë dhe Maqedonisë se Veriut kanë nisur pasi Bullgaria bllokoi nisjen e bisedimeve të anëtarësimit të Maqedonisë së Veriut në Bashkimin Evropian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
