Ministrja e Drejtësisë, Etilda Gjonaj dhe ministri Italian i Drejtësisë, Andrea Orlando kanë firmosur një marrëveshje bashkëpunimi në fushën e drejtësisë, i cili parshikon të sjellë rritje të bashkëpunimit sa i takon aspektit legjislativ dhe atij penal mes dy vendeve.
Këtë e ka bërë të ditur edhe ministri italian i Drejtësisë i cili gjatë konferencës për shtypë me homologen shqiptare theksoi se memorandumi nuk ka të bëjë vetëm me dy vendet tona, por ka të bëjë edhe me integrimin e Shqipërisë drejt BE dhe vëmendjen që ka Italia për vendet e Ballkanit. Olrlando theksoi se duam të fillojmë menjëherë, implementimin e marrëveshjes, ekzekutimin e dënimeve penale.
Në një nga pikat e marrëveshjes mes dy vendeve, thuhet se palët do të dakordësojnë format më efikase të bashkëpunimit, përfshirë organizimin e grupeve të punës dhe kurseve të përbashkëta të trajnimit.
"Palët do të verifikojnë mundësinë për të kontribuar në përmirësimin e kushteve të vuajtjes së dënimit në institucionet penitenciare të Republikës së Shqipërisë, edhe përmes bashkëpunimit për ndërtimin e një strukture penitenciare që të lehtësojë zbatimin e konventave dhe marrëveshjeve për transferimin drejt Republikës së Shqipërisë të shtetasve shqiptarë që vuajnë dënimin në Itali. Në përfundim të këtij verifikimi, do të mund të vijohet me formalizimin e një marrëveshjeje të posaçme", thuhet në memorandumin e bashkëpunimit.
Italia do të kontrinuoj me mjete dhe automjete të përshtatshme dhe funksionale për eficiencën logjistike të sistemit penitenciar shqiptar, thuhet në memorandumin e firmosur nga ministri italian dhe ministrja shqiptare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
