Kryetari i PD-së, Sali Berisha ka folur sot edhe përkitazi me financimet ruse që pretendohet se i ka marrë ish-kreu i partisë Lulzim Basha.
Në konferencën e përjavshme për shtyp, Berisha teksa e quajti veprim të papërgjegjshëm personal të Lulzim Bashës, tha se ai nuk duhet të kujtojë se kjo çështje do të mbyllet, dhe se auditi të fillojë punën e tij.
Auditi do të fillojë shpejt punën. Unë u shpjegova se kanë marrë çdo gjë me vete. Edhe hard disqet edhe çdo gjë.
Pavarësisht kësaj, ne do bëjmë punën.
Ajo që kam unë, dëshmi dhe dokument, nga hetimi i prokurorisë dhe dëshmitë që kanë dhënë Arben Ristani dhe Ilir Dervishi, del se asnjë qindarkë nuk ka hyrë dhe ka dalë në arkën e PD.
Në këtë kontekst, unë e quaj veprim të papërgjegjshëm personal të Lulzim Bashës.
Se i tillë është.
Ne do bëjmë të pamundurën për atë që hetim që mund të bëjmë.
Tjetrën natyrisht e bllokon Edi Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
