Në kohën që studentët janë duke protestuar dhe i kanë dërguar Ministrisë së Arsimit dhe kryeminiatrit një listë me 8 pika, në mbledhjen e sotme qeveria ka miratuar një vendim për rinovimin e konvikteve për kampusin universitar të Tiranës.
Kjo është edhe një nga kërkeast e studentëve të cilët i kërkojnë kryeministrit Rama edhe uljen e tafiva dhe disa pika të tjera
Vendimi në fjalë është miratuar sot nga Këshilli i Ministrave, ndërsa bëhet fjalë për një marrëveshje mes qeverisë shqiptare dhe asaj gjermane.
Në vendimin e qeverisë, thuhet se marrëveshja miratohet në bashkëpunim me qeverinë Republikës Federale të Gjermanisë, për bashkëpunim financiar 2017, për projektin “Programi për rinovimin e konvikteve në kampusin universitar të Tiranës, sipas parimit të efiçencës energjitike, faza III”, sipas tekstit që i bashkëlidhet këtij vendimi.
Ky vendim hyn në fuqi menjëherë dhe VKM-ja përcakton qartë se projekti për rikonstruksion të konvikteve kap një vlerë prej 3 milionë euro..
Vendimi vjen ndërkohë që para Kryeministrisë dhe Ministrisë së Arsimit vazhdon protesta masive disaditore e studentëve për plotësimin e 8 kërkesave të tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
