Presidenti Ilir Meta foli për gazetarët nga Vlora lidhur me veprimet e fundit të SPAK, që urdhëroi arrestimin e gjyqtares Enkeleida Hoxha dhe pjesëtarë të tjerë të Gjykatës së Krujës.
Meta theksoi se për të është e rëndësishme që çdo njeri që shkel Kushtetutën, ligjin, apo abuzon me detyrën, të ndëshkohet.
“Për mua është e rëndësishme që çdo njeri që shkel Kushtetutën, që shkel ligjin, që abuzon me detyrën të ndëshkohet. Shqipëria nuk ka nevojë për drejtësi me regji, ndërkohë që në SPAK janë prej kohësh edhe kallëzimet e provat edhe për gjyqtarë të tjerë të nivelit më të lartë.
Unë jam në këtë detyrë për të mbrojtur Kushtetutën, pluralizmin politik, për të mbrojtur zgjedhjet e lira dhe të ndershme”, tha Meta.
Duke u ndalur te zgjedhjet e 25 prillit, presidenti u shpreh se: “Çdo njeri duhet të dijë se fuqia e shqiptarëve është vota e tyre dhe askush nuk mund të ankohet ndaj qeverisë nëse nuk shpreh vullnetin e tij.
Kjo është detyra ime dhe do ta bëj me bindje të plotë. Jam i sigurt se 25 prilli do të jetë ditë e rëndësishme dhe jo e zakonshme”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
