Deputetja demokrate, Majlinda Bregu, thotë se segmenti Qafë Kashar – Rinas është kthyer në skenën e akteve të rënda kriminale. Duke reaguar për grabitjen e parave të një banke të nivelit të dytë dje në këtë segment, Bregu shprehet se deri tani shuma e grabitur në rastet e shënuara aty ka arritur në 15 milionë euro.
Reagimi i Bregut
Në vetëm pak muaj, janë katër akte te renda kriminale qe kane ndodhur ne te njëjtën segment: Qafa e Kasharit-Rinas. 3 vjedhje spektakolare thasësh me leke dhe një rrahje fizike e biznesmenit libanez.
Madje po këtu ka ndodhur edhe atentati ne 2015 ndaj Emiljano Shullazit e të tijve…
Edhe sikur Qafa e Kasharit te ishte Gryka e Mezhgoranit dhe jo nje rrip rruge me fushepamje 360 grade, s’do te kishte qene kaq e lehte qe brenda pak muajve te vidheshin ditën për diell mbi 15 milionë euro ne makina te bankave duke e kthyer atë copë rrugë kombëtare në piken me te lakmuar ku as patrulla e policisë kurrë nuk te kap dot ne aksion, as nuk te shqetëson njeri deri sa te zhdukesh gjurmët e te djegësh dhe makinat.
Kështu bëhet shtetshkatërrimi se shtetformimi ka ikur ne drejtim te paditur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
