Deputeti i Partisë Socialiste, Taulant Balla ironizon kryetarin e PD-së, Lulzim Basha në lidhje me qëndrimin e tij për rekomondimin e Komisionit Europian për hapjen e negociatave me Shqipërinë.
Deputeti i PS-së Balla, në një postim në Facebook, pasditen e së mërkurës, shprehet se “Të dalësh hapur e të kërkosh mos hapen negociatat, të punosh kundër e t’i heqesh vizë rekomandimit dhe sot të dalësh e të thuash se punuam në favor dhe do hapen negociatat nga PD, këtë vetëm Basha mund ta thotë?!”.
Balla shkon dhe me tej kur shprehet në lidhje me qëndrimin e liderit të opozitës Basha për zgjedhjet në SHBA. “Të besh tifo për Sekretaren Clinton (si shumë shqiptarë të tjere), t’i shkosh permes Podestes ne Konvente (si pak të tjerë), dhe të thuash sot se isha për Trump. Edhe këtë vetëm Lulzim Basha mund ta bëjë”, shprehet Balla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
