Ambasada Ruse në Maqedoninë e Veriut dje ka shpërndarë në Tëitter një murale në Mitrovicën e Veriut e cila shkruan “Kosova është Serbi, Krimea është Rusi”.
“Krimea është Rusi, plus Luhansk, Donetsk, Zaporozhye dhe Kherson”, ishte provokimi i diplomacisë ruse në rrjet.
Publikimi nuk ka kaluar pa shkaktuar zhurmë në median sociale, por ende nuk ka asnjë reagim zyrtar që e dënon këtë veprim në mesin e tensioneve në veri të Kosovës.
Kujtojmë që Maqedonia e Veriut urdhëroi gjatë muajit prill largimin e gjashtë diplomatëve rusë nga vendi, me akuzën për angazhimin në aktivitete në kundërshtim me Konventën e Vjenës për Marrëdhëniet Diplomatike.
Maqedonia e Veriut ngriti akuza të ngjashme kur dëboi pesë diplomatë të tjerë rusë në fund të marsit.
Ndërkohë nga ana tjetër Qeveria e Kosovës ka deklaruar që nuk do të heqë dorë nga marrëveshja për targat, ndërkohë që SHBA dhe BE kanë bërë thirrje për maturi duke dënuar veprimet e Serbisë në Veri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
