Deputeti i Partisë Socialiste, Damian Gjiknuri, ka rezultuar pozitiv me koronavirus, duke u bërë kështu politikani i radhës që preket nga pandemia. Lajmin e ka bërë të ditur vetë Gjiknuri nëpërmjet një shënimi në ‘facebook’ ku thotë se është mirë dhe se ka filluar trajtimin mjekësor në shtëpi.
“Të nderuar miq! Pas testimit për COVID 19, rezultova pozitiv, me simptoma të lehta. Në përputhje me protokollin shëndetësor kam filluar trajtimin mjekësor në kushtet e karantinimit. Gjej rastin të ju bëj thirrje të respektoni maksimalisht këshillat e autoriteteve shëndetësore, si mbajtja e maskës, distanca sociale dhe larja e duarve.
Ju uroj të gjithëve shëndet!”-shkruan Gjiknuri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
