Po zhvillohet me dyer të mbyllura pjesa e dytë e Samitit për Ukrainën.
Gazetari Andon Kello tha përmes një lidhje të drejtpërdrejtë me studion e lajmeve në MCN Tv se Greqia nuk ka dhënë asnjë arsye për mungesën e kryeministrit Kyriakos Mitsotakis dhe ministrit të Jashtëm.
Samiti për Ukrainën po mbahet me dyer të mbyllura. Pritet që takimi të përfundojë në orën 13: 30 me një deklaratë të përbashkët. Më herët Rama dhe Zelensky mbajtën fjalën e tyre. Rama kërkoi nga vendet perëndimore një unifikim jo vetëm me mbështetje deklarative, por me financa dhe municione. Zelensky u ankua për mungesë municionesh luftarake dhe kërkoi nga Shqipëria dhe vendet e rajonit bashkëprodhim të municioneve për t’i përdorur gjatë luftës.
Osmani tha se do i kërkojë Zelensky-t njohjen e Kosovës. Vuçiç deklaroi se do i përmbahet vendimeve të Këshillit të Sigurisë në Serbi sa i përket qëndrimit ndaj Rusisë për mossanksionimin. Vuçiç ka kërkuar heqjen e 3 pikave, ndër to fjalia që të gjitha vendet e Ballkanit Perëndimor vendosin sanksionet ndaj Rusisë.
Greqia nuk ka dhënë arsye për mungesën e kryeministrit Mitsotakis dhe ministrit të Jashtëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
