Ish-kryeministri Berisha e sheh si tërheqje nga frika vendimin e kreut të parlamentit, Gramoz Ruçi, për të anuluar seancën e sotme. Në një prononcim për mediat gjatë protestës që opozita po zhvillon para Parlamentit, Berisha iu rikthye vitit 1997.
“Këta dëshmojnë se janë në grahmat e fundit. Regjimi i Ramës nuk ka të ardhme. Kjo është mbathja e dytë e Gramoz Ruçit, e bëri në ’97-n, ma sollën filmimin po nuk desha ta turpëroj. Kjo është mbathja e dytë”, tha Berisha.
I pyetur në lidhje me vendimin për djegien e mandateve, Berisha tha se ai është marrë në emër të vlerave.
“Deputetët e opozitës e bënë në emër të vlerave, në mënyrë që të mos qëndrojnë si fasadë në një parlament me kriminelë por të dalin te qytetarët për të çmontuar narkoshtetin”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
