Deputetët e Kuvendit të Malit të Zi, sot pritet të deklarohen lidhur me iniciativën për shkarkimin e ministrit për Drejtat e Njeriut dhe Pakicave, Vladimir Leposaviç, raporton Radio Televizioni i Malit të Zi.
Kryeministri i Malit të Zi, Zdravko Krivokapiç, kërkoi shkarkimin e Leposaviçit, pasi ministri në Kuvend duke iu përgjigjur pyetjeve të deputetëve të opozitës, ka thënë se “është i gatshëm ta pranojë që në Srebrenicë ka ndodhur dhe kryer gjenocidi, vetëm atëherë kur kjo të konfirmohet”.
Shkarkimi i Leposaviçit është i mundur me votat e partisë opozitare, DPS e Millo Gjukanoviçit, që ndryshe bojkoton seancat parlamentare, dhe të disa partive tjera siç është Lëvizja Qytetare URA e Dritan Abazoviçit, që është pjesë e shumicës parlamentare.
Megjithatë, për shkarkim të Leposaviçit kanë paralajmëruar se do të votojnë “për” nga SDP, SD dhe Partia boshnjake dhe ajo e shqiptarëve.
Leposaviç, një politikan pro-serb, argumentoi gjatë muajit mars se gjykata e OKB-së në Hagë, e cila i klasifikoi masakrat e boshnjakëve nga Srebrenica si gjenocid, nuk kishte asnjë legjitimitet sepse ai pretendoi se ajo kishte shkatërruar provat në lidhje me trafikimin e organeve të civilëve serbë në Kosovë.
Por menjëherë pasi u raportuan komentet e tij, ai bëri një deklaratë duke thënë se nuk e mohoi gjenocidin e Srebrenicës dhe se nuk do të jepte dorëheqjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
