Teksa jemi një muaj larg nga zgjedhjet e 25 prillit, ambasadori i BE-së në Shqipëri Luigi Soreca ka zhvilluar një takim me drejtuesen e misionit të OSBE/ODIHR.
Në një postim në “Twitter” Soreca shkruan se me Jozefa Gacek kanë diskutuar lidhur me përgatitjen për vëzhgimin e zgjedhjeve në vendin tonë.
“Takova ambasadoren Jozefa Gacek që drejton OSBE ODHIR në Shqipëri, në funksion të zgjedhjeve të 25 Prillit. Ne diskutuam gjendjen e përgatitjes për ditën e zgjedhjeve, në veçanti vëzhgimin e zgjedhjeve. Ora diplomatike do të vendoset si zakonisht dh Bashkimi Evropian qëndron gati për të ndihmuar misionin”, shkruan Soreca.
Pak ditë më parë gjatë një konference për media Kryesuesja e Misionit Ursula Gacek tha se OSBE/ODIHR do të qëndrojë në Shqipëri deri më 17 maj.
“Do shohim si do zhvillohet fushata. Do kemi edhe vëzhgues nga media. Do të shohim gjithçka me vëmendje. Jemi këtu si vëzhgues, nuk jemi këtu për të ndërhyrë në zgjedhje. Nuk jemi të interesuar për rezultatin, jemi të interesuar si do të shkojë procesi.
Do të shkojmë 3 raporte sa i përket zgjedhjeve. Do të qëndrojmë këtu deri në 17 maj. Do të kemi një raport përfundimtar, ku përveç konkuluzioneve do të kemi edhe rekomandimet tona”, u shpreh Gacek.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
