Ambasada amerikane: Nxisim institucionet të shqyrtojnë raportin e OSBE për të përmirësuar më tej zgjedhjet

Ambasada amerikane në Tiranë ka reaguar pas raportit përfundimtar të OSBE ODIHR mbi zgjedhjet parlamentare të 25 Prillit.

Përmes një njoftimi, Ambasada amerikane u bënë thirrje institucioneve që të shqyrtojnë raportin në mënyrë që të përmirësohet procesi zgjedhor në Shqipëri.

 “Ne kemi mbajtur shënim Raportin Përfundimtar të ODIHR mbi zgjedhjet parlamentare të 25 prillit, i cili ndërtohet mbi bazën e raportit paraprak të 26 prillit.

Nxisim të gjitha institucionet përkatëse që të shqyrtojnë raportin përfundimtar dhe rekomandimet e tij për të përmirësuar më tej zgjedhjet në Shqipëri.”