Me 5 vota pro Komisioni Qendrorë i Zgjedhjeve ka votuar për heqjen e mandatit për dy deputetët e Kuvendit, atë të PDIU Aqif Rakipi dhe Gledion Rehovica i LSI.
Ishte Prokuroria e Përgjithshme, e cila kërkoi heqjen e mandateve të dy deputetëve, pasi sipas saj, kanë bërë deklarime të rremë kur kanë plotësuar formularin e dekriminalizimit.
KQZ ka rrëzuar kërkesën e avokatit të Aqif Rakipit, Theodhori Sollaku, i cili kërkoi të pezullohet kërkesa e prokurorisë. Avokati tha se kërkesa e Prokurorisë është në shkelje të ligjit, pasi sipas tij Aqif Rakipi nuk është dënuar nga asnjë vend i BE.
Dy deputetët nuk kishin deklaruar ndalimin nga policia në Itali.
Deputeti i LSI-së, Gledjon Rehovica, sipas Prokurorisë, rezulton të jetë arrestuar në vitin 1999 në Itali për “vjedhje dyqani”. Ai mohoi akuzat e Prokurorisë duke thënë se ka qenë student në Romë gjatë kohës për të cilat flet akuza e Prokurorisë. Ndërkohë Deputeti Aqif Rakipi akuzohet për përdorim të materialeve të vjedhura” me identitetin, Skënder Ejybegaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
