Partia Demokratike ka reaguar përmes një deklarate për media pak orë pasi ish-kryeministri Sali Berisha prezantoi sot kandidatin e “Shtëpisë së Lirisë” për Durrësin, Ardian Muka.
Selia blu deklaron se kandidatët e shtëpisë së Ilirit sot përfaqësojnë Metën dhe nuk kanë lidhje me PD-në.
“Kush zgjedh Metën dhe Berishën, mban Ramën!”, deklaron PD, ndërkohë që po sot Berisha u shpreh nga Sukthi se kush voton Bashën voton kryeministrin Rama.
DEKLARATA
Sali Berisha vazhdon të manipulojë demokratët. Kandidatët e shtëpisë së Ilirit sot përfaqësojnë Ilir Metën dhe nuk kanë asnjë lidhje me PD.
Disa njerëz nga Shtëpia e Ilirit e kanë të vështirë të heqin dorë nga e kaluara e tyre, por çdo votë për këtë shtëpi është votë për pazarin e radhës Meta-Rama.
Shqiptarët e dinë shumë mirë që Parti Demokratike është një, dhe LSI një gjë tjetër.
Sali Berisha dhe kandidatët e tij janë tashmë pjesë e LSI-së dhe ndonëse duket që u vjen turp nga anëtarësimi në këtë parti, ata nuk i lidh me asgje me PD, sado mashtrojnë duke përdorur emrin dhe simbolet e saj.
Demokratët e dinë se si Ilir Meta ka përdorur pushtetin dhe votat e tyre për pazarin me Edi Ramën ne 2013.
Sot po bën të njëjtën gjë.
Prandaj kush zgjedh Metën dhe Berishën, mban Ramën!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
