“Mazhoranca bëri ndryshime në listat e deputetve, opozita nuk ndryshon dhe ky është tmerri”. Kështu tha përmes emisionit “Arnautistan” në MCN TV juristi Plarent Ndreca. Sipas tij opozita, roli i së cilës është të kompensojë politikat që mazhoranca mund të bëjë për shkak të pushtetit, nuk është futur në linja normale të të bërit politikë.
“Pushteti të korrupton dhe për këtë arsye janë opozitat për të kompesuar politikat që mund të bëjë fakti që mund të kesh pushtet të fortë. Mazhoranca ka ndryshuar shumëçka në listat e kandidatëve për deputetë, ndërkohë që ishte fituese dhe s’kishte pse ta bënte, ndërkohë që opozita nuk ndryshon dhe ky është tmerri. Ne akoma opozitën nuk e kemi futur në linja ligjore, në linja normale të të bërit politikë. Kur futesh në linja normale është më e vështirë të bësh politikë dhe të fusësh gol. Kjo do patriotizëm dhe kjo opozitë nuk e ka”, tha Ndreca.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
