Zv.kryeredaktorja e MCN TV, gazetarja Klementina Cenkollari, ka qenë pjesë e panelit të të ftuarve në emisionin “L’Europa che vorrei” (Europa që do të doja), që realizohet si bashkëpunim i Tgcom24 dhe Parlamentit Evropian.
Një nga temat e diskutimeve ka qenë procesi i integrimit evropian të vendeve të rajonit si Shqipërisë, Serbisë, Malit të Zi dhe Maqedonisë së Veriut, si dhe Turqisë.
Duke u ndalur te vendi ynë, Tgcom24 raporton se Shqipëria po punon fort për të përmbushur kërkesat e kërkuara nga Brukseli.
Mbi këtë temë Cenkollari shprehet: “Vendit ynë po i kërkohet më shumë punë në çështje që lidhen me drejtësinë, sigurinë, lirinë dhe zgjedhjet. Jemi duke punuar”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
