Rezoluta për Kosovën miratohet me 101 vota pro

Parlamenti miratoi sot rezolutën për çështjen e Kosovës, me 101 vota pro dhe një abstenim.

Një ditë më parë, përfaqësuesit e PD dhe PS ranë dakord për një tekst të unifikuar, pasi secila kishte rezolutën e vet.

Dokumenti që mori sot mbështetjen e Parlamentit shqiptar e vë theksin të mbrojtja e interesave të përbashkëta dhe integritetit territorial të Kosovës.

Në tret pikat e saj, rezoluta kërkon hetim ndërkombëtar për sulmin e 24 shtatorit dhe i kërkon qeverisë së Kosovës të punojë me aleatët ndërkombëtarë.

REZOLUTA

Në përputhje me angazhimet Kushtetuese të Republikës së Shqipërisë dhe politikën e mbrojtjes së interesave strategjike kombëtare të përbashkëta midis Shqipërisë dhe Kosovës;

Në përkrahje të sovranitetit dhe integritetit territorial të Republikës së Kosovës dhe institucioneve të saj kushtetuese, si dhe të përpjekjeve për mbrojtjen e vlerave demokratike, sigurisë dhe paqes në Kosovë dhe në rajon;

Thellësisht të shqetësuar për situatën e krijuar në Republikën e Kosovës pas sulmit të organizuar ushtarak dhe kriminal të një njësie terroristësh serbë në veri të vendit, më datë 24 shtator 2023