Kreu i Kuvendit Ilir Meta ndodhet në SHBA, ku është ftuar të marrë pjesë në ceremoninë e inaugurimit të Presidentit Donald Trump
Në vizitën e tij zyrtare në Shtetet e Bashkuara, kryeparlamentari është pritur në një takim nga Ndihmes Sekretari i Shtetit William Brownfield.
Gjatë takimit, Meta-Brownfield diskutuan për forcim të bashkëpunimit më tej për reformën në drejtësi si dhe luftën kundër krimit të organizuar.
Në fjalën e tij Brownfield vlerësoi hapat madhorë të ndërmarra për reformën në drejtësi. Brownfileld përgëzoi Kreun e Kuvendit Meta për konsensusin e arritur në miratimin e reformës.
Kreu i Kuvendit, do të qëndrojë disa ditë në SHBA, ku do të ketë një sërë takimesh të rëndësishme. Ai është njëkohësisht edhe përfaqësuesi më i lartë i shtetit shqiptar, në ceremoninë e inaugurimit të Trump.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
