Ministrja e Shtetit për Marrëdhëniet me Parlamentin, Elisa Spiropali priti sot në një takim ambasadorin e ri të Kosovës në Shqipëri, Skënder Durmishi dhe Koordinatorin për zbatimin e marrëveshjeve mes dy vendeve, Gentian Sala, me të cilët foli mbi rëndësinë që ka forcimi i bashkëpunimit në fushat prioritare mes Shqipërisë dhe Kosovës.
Spiropali theksoi se, ky bashkëpunim ka pasur dhe do ketë angazhimin e plotë të forcës tonë qeverisëse, në Kuvendin e Shqipërisë dhe qeveri, për çdo iniciativë, marrëveshje, politikë apo projekt që i shërben ardhmërisë dhe njerëzve në të dyja anët e Kombit.
“I urova mirëseardhjen ambasadorit të ri të Kosovës në Shqipëri, Skënder Durmishi.
Bisedova me ambasadorin Durmishi dhe Koordinatorin për zbatimin e marrëveshjeve mes dy vendeve tona, Gentian Sala, mbi rëndësinë që ka forcimi i bashkëpunimit në fushat prioritare mes Shqipërisë dhe Kosovës. Ky bashkëpunim ka pasur dhe do ketë angazhimin e plotë të forcës tonë qeverisëse, në Kuvendin e Shqipërisë dhe qeveri, për çdo iniciativë, marrëveshje, politikë apo projekt që i shërben ardhmërisë dhe njerëzve në të dyja anët e Kombit”, u shpreh Spiropali.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
