Kandidatja e PD në Elbasan, Flutura Açka, akuzon rivalët politikë se kanë nisur një fushatë agresive të blerjes së votës. Açka tha në emisionin “Arnautistan”, në MCN TV, se njeh njerëz me emra dhe mbiemra që dalin shtëpi në shtëpi dhe ofrojnë para në këmbim të votës.
“Pas orës 8 janë skalionet. Në Elbasan kjo gjë po ndodh në këtë moment që ne po flasim bashkë. Unë kam akuzë me emër dhe mbiemër për njerëz që po shpërndajnë para për votën. Në zonën time 2-3 njerëz që e bëjnë këtë tani. Ka njerëz që e shesin votën për 5 mijë lekë të reja, 2 mijë lekë të reja, për një kupon karte identiteti. Po mblidhen karta të njerëzve që janë në zonën gri, që të mos votojnë”, tha Açka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
