Në kohën që në Tiranë mazhoranca dhe opozita kanë filluar me sulmet pas vendimit të djeshëm të Komisionit Europian që shtyn hapjen e negocitave me Shqipërinë në qershorin e 2019, ka reaguar edhe Knut Fleckenstein.
Raportuesi për Shqipërinë në Parlamentin Evropian, uron dy vendet e Ballkanit, Shqipërinë dhe Maqedoninë, për negociatat, duke theksuar se është njohur progresi. Me një mesazh në rrjetin social "Twitter", Fleckenstein, thekson se përfundimet e këshillit inkurajojnë qartë qeveritë dhe parlamentet që të vazhdojnë me procesin e reformave,
"Urime për Shqipërinë dhe Maqedoninë. U njoh progresi. U vendos për hapjen e negociatave. Përfundimet e Këshillit të Çështjeve të Përgjithshme inkurajojnë qartë qeveritë dhe parlamentet që të vazhdojnë me procesin e reformave. Kini parasysh mbështetjen time derisa të jemi të bashkuar në BE!", shkruan Fleckenstein.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
