Spartak Ngjela, një nga mbështetësit e deridjeshëm të kryeministrit Rama, i ka ashpërsuar tonet kritike ndaj tij kohëve të fundit. Veçanërisht pas daljes në dritë të përgjimeve italiane që implikojnë ish ministrin Tahiri në trafikun e drogës, Ngjela ka shkuar edhe më tej duke theksuar se ky është fundi i Ramës.
“Lamtumirë Rama! Ike me turp nga kjo punë“, shkruan Ngjela, sipas të cilit kryeministrin shqiptar po e godet perëndimi për shkak se po bëhet pengesë për reformën në drjetësi si peng i krimit të organizuar dhe korruspionit. Dhe, sipas avokatit, shumë shpejt do të ketë të tjera ngjarje tronditëse për qeverinë.
“Rama po shkon drejt fundit të vet. Implikimet e stafit të tij me korrupsionin dhe krimin e organizuar sigurisht që do të jenë çështjet kryesore të SPAK-ut. Ndërkohë bëhet e ditur se ministrat e Ramës janë të përgjuar që nga viti 2013…
Tani, pas Tahirit, Ramës po i kërkohet dhe po shkon drejt penalizimit edhe sekretari i përgjithshëm i Kryeministrisë. Ndërkombëtarët po godasin stafin e ngushtë të Ramës… Rama nuk ka më shpresë, dhe dorëheqja është shpresa e tij e fundit“, thotë Ngjela, i cili ka dhe një porosi për socialistët:
“Politika ka një rregull: mos shkoni pas kufomës se ju merr me vetë në varr“.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
