Gazetari Andi Tela, i ftuar në emisionin "Të Paekspozuarit" në MCN TV, Tela deklaroi se një punonjëse e Ahmetajt ka folur për presionin që është ushtruar ndaj saj, për të firmosur në favor të Klodian Zotos dhe Mirel Mërtirit, persona të shpallur në kërkim për aferën e inceneratorëve. Ai tha se Ahmetaj, ka qenë pjesë e një grupi qeveritar, që u përpoqën me të gjithë mënyrat që koncesionet tua kalonin Zotos dhe Mërtirit. "Është folur në rrethe mediatike që Ahmetaj i ka dhënë dosjen e inceneraatorëve LSI-së. Duket si video e Rrajave që e xhiruan vetë dhe pasi u shpërnda video, ranë të gjithë brenda. Ajo që duhet theksuar është fakti që Arben Ahmetaj, ka qenë pjesë e një grupi qeveritar, që u përpoqën me të gjithë mënyrat që koncesionet tua kalonin Zotos dhe Mërtirit. Ata akuzohen se kanë korruptuar segmente të shtetit. Provohen sipas SPAK 6 raste kur Ahmetaj ka përfituar rryshfet”. Në vijim ai theksoi se ryshfeti, në ndryshim nga dy vilat, në rastet e apartamenteve, janë kryer shitje fiktive, pra Ahmetaj me ish bashkëshorten ishin aksionerë të një kompanie ndërtimi, me Vladimir Kostën, për të ndërtuar një pallat. Sipas tij, tek y pallat ata kishin një pjesë investimi dhe SPAK pretendon se janë kryer shitje fiktive të apartamenteve. “Nëse SPAK e provon këtë akuzë të treja pikat plotësohen dhe rrezikon burgun Ahmetaj. Kjo gjë do të zgjasë, mund të shkojë edhe në mandatin e katërt të PS, siç mund të nisë procesi për inceneratorin e Tiranës. Edhe aty ka firmë Ahmetaj. Pra, mund të zgjedhë të flasë apo të mos flasë. Një ish punonjëse e tij e akuzon se mbi të është ushtruar presion, që ajo të firmosë në favor të Klodian Zotos dhe Mirel Mërtirit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
