Vizita e të dërguarës së Departamentit Amerikan të Shtetit, Karen Donfried ka marrë sot vëmendjen e zhvillimeve politike në vend.
Zv/ndihmës sekretarja e Shtetit për Euro Azinë, është ndalur fillimisht në zyrën e kryeminsitrit Rama, për më shumë se 1 orë, ndërsa çështjet në fokus të diskutimeve kanë qenë vijimi i reformave dhe investimeve strategjike në vend, si dhe përpjekjet e Shqipërisë për integrimin e vendit në Bashkimin Europian.
Detajet për takimin i dha vet kryeministri Rama nëpërmjet një postimi në Facebook, duke theksuar se ka mbështetjen e plotë të SHBA-së, për nismën Ballkani i Hapur.
Pas takimit me kryeministrin, Donfried është pritur në Kryesinë e Kuvendit nga përfaqësues të opozitës Enkelejd Alibeajn, Jorida Tabaku dhe Gazmend Bardhi, ndërsa ajo që vihej re ishte mungesa e përfaqësuesve të Rithemelimit.
Aliebaj në një prononcim për mediat pas takimit me përfaqësuesen amerikane, theksoi se ka mbështetjen e SHBA e cila kërkon një opozitë pro-amerikane
Të pranishëm në këto takime ishin edhe ambasadorja Amerikane yuri Kim si dhe i dërguari i SHBA-së për Ballkanin Perëndimor, Gabriel Escobar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
