Sejamini: Mesazhet që solli Blinken, të dobëta dhe klishe. Me këtë vizitë çështja McGonigal vdiq!

<p>Neritan Sejamini teksa analizoi vizitën e Sekretarit të Shtetit, Anthony Blinken në Tiranë, në emisionin "Të Paekspozuarit" në MCN TV, tha se fjalimet e Blinken nuk kishin ndonjë thelb të rëndësishëm.</p> <p>Sipas tij ato ishin të dobëta dhe klishe dhe se me këtë vizitë çështja McGonigal vdiq.</p> <blockquote> <p>Mesazhet ishin të dobëta, klishe. Madje edhe me detaje, na kujtoi ndeshjet e futbollit, foli edhe për Dua Lipën, që është nga Kosova. Nuk kishte ndonjë mesazh të thellë. Rëndësia e vizitës së Sekretarit, mund të trajtohet në dy aspekte. Ajo nuk është ndonjë vizitë me pasojë dhe domethënie. E vetmja gjë që ka, mban gjallë një marrëdhënie të mirë me Shqipërinë dhe Kosovën.</p> <p>Kur vjen puna te perceptimi në politikën shqiptare, pasojat këtu pastaj janë të mëdha. Me këtë vizitë çështja McGonigal vdiq. E dyta, opozita është në një pozitë më të vështirë, sepse ishte krijuar ideja që po dilte nga izolimi, por me këtë vizitë kupton që qëndrimi i SHBA për opozitën nuk do të ndryshojë.</p> <p>E fundit, kryeministri Rama është disa hapa para opozitës.</p> <p>Opozita sajon lajme vetë dhe kënaqet, që Rama dhe SHBA janë krisur, Rama përgatiste vizitën e Blinken. Kjo është një vizitë e shtyrë me njërëzit në DASH që kanë lidhje me Shqipërinë, James O’Brien dhe Yuri Kim.</p> <p>Rama është tre-katër hapa para opozitës. Opozita është në një qorrsokak.</p> </blockquote>