Gashi: Ka ardhur fundi politik i Ilir Metës. E ka kapur paranoja

Pedagogu Shpend Gashi tha në “Scrolling” se mendon që ka ardhur fundi politik i Ilir Metës.

Sipas Gashit ai mund të dënohet për “shpërdorim detyre”, që mjafton për t’i djegur karrierën politike.

Gashi foli edhe për një teori konspiracioni, ku eksponentë që kanë qenë pranë Metës, tregojnë se ai po përgatit një raport për “paqëndrueshmëri mendore”.

"Për mua ka ardhur fundi politik i Ilir Metës. Kjo drejtësi po godet edhe një karrierë tjetër. Z.Meta e ka pasur ngushtësisht jetën e tij personale me politikën, që nga viti 91-92’. Nuk ka qenë ndonjëherë pa të drejtë firme. Kjo e terrorizon. Meta do dënohet por për ‘shpërdorim detyre’, aq sa për t’i fikur karrierën politike. Kjo paranojë që e ka kapur Metën, e vë re edhe në shkarkimet te Partia e Lirisë. Ai po pastron kastën e vjetër, që janë të rinj në moshë. Teoria e konspiracionit, është që eksponentë që kanë qenë afër Metës, tregojnë për një ‘paqëndrueshmëri mendore’, ky zotëria po përgatit një raport me firma mjekësh. Unë s’i besoj këto konspiracionet. Mua më pëlqen mënyra se si fantazia njerëzore, që formojnë këto lloj fabulash. Shet në radhë të dytë, por edhe idiotësi të jetë, është një alibi që mund ta shpëtojë. Edhe Berisha e godet SPAK-un por është më i kontrolluar në deklaratat publike. Z.Meta e bëri personali”.