Kreu i opozitës Lulzim Basha këmbëngul se vëllai i ministrit të Brendshëm Fatmir Xhafa është i përfshirë në audio-përgjimin ku flitet për pazare droge, dhe se në këtë histori nuk ka aktorë për të imituar Agron Xhafën, të paguar nga opozita.
Basha kërkon që të bëhet publike ekspertiza e kryer nga britanikët në një laborator anglez që ju dërgua prokurorisë shqiptare.
Përmes një video të publikuar nga Basha në rrjete sociale, renditen në kohë deklarimet e Ramës, para se ekspertiza të nxirrte që audio-përgjimi ishte i rremë dhe zëri në të nuk ishte i Xhafës, dhe thotë se prokuroria ka vepruar me urdhër të kryeministrit për të nxjerrë në dritë atë që Rama kishte thënë shumë më herët publikisht.
" Shqiptarët po presin të shohin ekspertizën e videos. Shqiptarët po presin të dëgjojnë dëshminë e “aktorit”. Pse i vonon?! Nxirri tani!", shkruan Basha në "Twitter".
Shefi i opozitës thotë se shqiptarët nuk tremben dhe as ai po ashtu.
"Unë as trembem dhe as shantazhohem. Sepse nuk jam peng i krimit. Sepse kurrë nuk më ka lidhur asgjë me kriminelët. Sepse sado t’i mbrojë Rama kriminelët dhe mbrojtësit e tyre, ata të gjithë do të përfundojnë atje ku e kanë vendin", vazhdon Basha më tej.
Policia arrestoi Fredi Alizotin si personi që ka imituar zërin e Agron Xhafës në audio-përgjim, ndërsa pritet të kryhen procedurat me policinë e Kosovës, për të sjellë në Shqipëri Albert Veliun, ose "Babalen" siç ai njihet, personin që përhapi të gjithë skandalin dhe akzuat ndaj vëllait të ministrit, i mbështetur fort nga opozita shqiptare. Alizoti rezultoi të ishte kunati i "Babales".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
