Komisionari Shtetëror i Zgjedhjeve, Ilirjan Celibashi bëri të ditur sot se fletët e votimit për zgjedhjet e 11 majit do të mbërrijnë në Evropë nga data 15 deri më 22 prill.
Ndërsa sa i përket kontinenteve të tjera, fletët e votimit do të mbërrijnë nga data 15 deri më 25 prill.
Celibashi ndau në rrjetet sociale një udhëzues mbi procedurën e votimit të shqiptarëve jashtë vendit, ku sqarohen këshillat kryesore mbi hapat që duhen ndjekur.
Pasi ta merrni, dërgojeni fletën e votimit në KQZ brenda 3 ditëve nga momenti i marrjes.
Nuk do të shpenzoni asgjë. Posta paguhet nga KQZ.
Mos e vononi, çdo ditë është e rëndësishme që vota juaj të mbërrijë në kohë. Zëri juaj ka rëndësi.
Numri përfundimtar i votuesve nga jashtë është 245 935 zgjedhës, ndërkohë që në total brenda dhe jashtë vendit të drejtën e votës e kanë 3,713,761 shtetas shqiptarë.
Ndër ta 114,642 zgjedhës votojnë për herë të parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
