Kandidati për deputet i koalicionit PD–ASHM, Aulon Kalaja, është paraqitur paraditen e sotme në ambientet e Prokurorisë së Posaçme kundër Korrupsionit dhe Krimit të Organizuar (SPAK).
Ai ka depozituar një kallëzim penal lidhur me një vendim të qeverisë për faljen e gjobave disa ditë para zgjedhjeve, pasi sipas tij, ky vendim ka ndikuar në mënyrë të padrejtë në rezultatin elektoral.
Kalaja, i cili garoi në Qarkun e Durrësit por nuk arriti të fitonte mandatin e deputetit, kishte paralajmëruar më herët se do t’i drejtohej SPAK në rast se Komisioni Qendror i Zgjedhjeve (KQZ) do të refuzonte kërkesën e tij për hapjen e kutive të votimit dhe verifikimin e rezultatit zgjedhor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
