Kandidatja e PS Shkodër Vera Ndrecaj tha në “Mcn Informacion” se Partia Socialiste ka një program shumë të mirë, ku objektiv strategjik është futja në Europë.
Ajo tha se do të kontribuoj në përmirësimin e prokurimit publik dhe arsimit të lartë, që mendon se janë dy faktorë që duhen të përmirësohen.
“Strategjia e PS është fokusuar në PS, ku Shqipëria do jetë pjesë e kësaj familje të madhe në 2030-ën, është strategji atraktive, që kërkon kapacitete, njerëz që kanë njohuri specifike. Ka ardhur si thirrje e brendshme. PS ka një program jashtëzakonisht të mirë. Programi i PS i ofron një zhvillim ekonomik, infrastrukturën në standarde europiane, arsim në standarde europiane. Janë shumë aspekte që duhet të ishin bërë më mirë dhe do bëhen më mirë. Besoj se me implementimin e programit në mandatin e katërt, do kemi ndryshim të dukshëm. Një nga objektivat strategjikë është futja në Europë, kjo do të thotë 1 miliard euro çdo vit plus, ku 90 për qind do jetë grant. PS mund ta çojë Shqipërinë drejt Europës sepse i ka të gjitha kapacitetet”.
Ndrecaj tha se PS ka një strategji të qartë për ta ndryshuar Shkodrën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
