Komisioneri Shtetëror i Zgjedhjeve, Ilirjan Celibashi përmes një letre drejtuar letë Kolegjit Zgjedhor ka kërkuar që të përshpejtohet shqyrtimi i ankimeve të subjekteve zgjedhore apo kandidatëve për fletën e votimit.
KQZ i ka dërguar kërkesë Kolegjit Zgjedhor Gjyqësor që ankimet e partive politike të shqyrtohen jo më vonë se 24 orë nga depozitimi i tyre.
Kjo, me qëllim shmangien e vonesave në procesin e prodhimit dhe shpërndarjes së fletëve të votimit.
KQZ sqaron se çdo vonesë në gjykim krijon pamundësinë e miratimit të përmbajtjes së fletës së votimit brenda afateve të përcaktuara.
Brenda mundësive ankimet të shqyrtohen jo më vonë se 24 orë nga depozitimi i tyre me qëllim shmangien e vonesave në procesin e prodhimit dhe shpërndarjes së fletëve të votimit, pasi çdo vonesë në gjykim krijon pamundësinë e miratimit të përmbajtjes së fletës së votimit brenda afateve të përcaktuara në ligjin nr. 10019 datë 29.12.2008, “Kodi Zgjedhor i Republikës së Shqipëri” i ndryshuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
