Qëndrimet e ndryshme në lidhje me pavarësinë e Kosovës kanë hapur debatin mes zyrtarëve të lartë të shtetit. Kryeministri Andrej Babis është shprehur se qeveria ka qëndrim tjetër nga ai i presidentit, i cili një ditë më parë foli për mundësinë e tërheqjes së njohjes së Kosovës.
"Do të preferoja debate në lidhje me këtë temë në takimin tonë për marrëdhëniet e jashtme, domethënë në një takim ku të jetë Presidenti, krerët e dy Dhomave të Parlamentit, kryeministri, shefi i diplomacisë dhe ministri i Brendshëm. Qëndrimet tona bëjnë nuk përputhen. Unë do të pres debatin, dhe pastaj të marr një qëndrim për këtë", u tha kryeministri gazetarëve.
Pasi mbërriti në Beograd në një vizitë zyrtare më 10 shtator, Presidenti i Republikës Çeke tha se nuk e pëlqen Kosovën, nuk e konsideron atë një shtet demokratik dhe, ndërsa nga ana tjetër preferon Serbinë.
"Unë do t'ju tregoj pikëpamjen time personale për këtë: një shtet i udhëhequr nga kriminelët e luftës nuk duhet të jetë në një komunitet të vendeve demokratike," tha Zeman, duke iu referuar Kosovës.
I pyetur në lidhje me mundësinë që Republika Çeke të tërheqë njohjen e saj për Kosovën (të cilën ky vend e ka njohur në vitin 2008), Zeman tha se do të dëshironte ta diskutonte atë në mbledhjen e ardhshme të këshillit të autoriteteve më të larta çeke, që do të mbahet brenda një muaji.
Zëvendëskryeministri çek dhe ministri i Brendshëm, Jan Hamáček, një ditë më parë u shpreh se politika e jashtme çeke është përgjegjësi e Kabinetit të Ministrave. "Qëndrimi i Presidentit për Kosovën është i njohur prej kohësh. Sidoqoftë, çdo hap i mëtutjeshëm është në përgjegjësinë e Qeverisë," tha Hamacek, cituar nga Sputnik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
