Deputeti i Partisë Demokratike Saimir Korreshi tha përmes një lidhje “Skype” me studion e MCN Live se protesta e 11 korrikut bëhet për të ngjallur shpresë edhe tek strukturat e PD-së, që edhe vetë qytetarët të kuptojnë se nuk janë pak kundër qeverisë.
Sipas Korreshit kjo është protesta e parë ku njerëzit nuk kanë më mëdyshje se kush i thërret.
Mendoj dhe gjykoj që kjo protestë bëhet për t’i treguar qeverisë, por edhe njerëzit kanë nevojë për të parë që nuk janë pak. Pra për të ngjallur atë shpresën që PD dhe jo vetëm, por opozita në tërësi, por edhe njerëzit që urrejnë këtë qeveri janë shumë.
Ideja është për të karikuar dhe vetëbesim tek strukturat e PD-së që njerëz ka dhe vetë njerëz kur shohin qytetarët, familjarët në një protestë, lind vetvetiu një optimizëm. Ka shumë që e urrejnë këtë qeveri.
Është protesta e parë ku nuk ka më mëdyshje kush e thërret.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
