Komisioni Qendror i Zgjedhjeve miratoi sot fondet vjetore për partitë politike për vitin 2024.
Në mbledhjen e drejtuar sot nga kryekomisioneri Shtetëror i Zgjedhjeve, Ilirjan Celibashi u shqyrtua projektvendimi “Për shpërndarjen e fondeve vjetore partive politike në formën e ndihmës financiare vjetore për vitin 2024”.
Sipas këtij projektvendimi 11 parti politike marrin në total nga buxheti i shtetit 345.6 milionë lekë.
Pjesën më të madhe të fondit e merr Partia Socialiste me mbi 151.4 milionë lekë. Partia Demokratike vjen e dyta, me 106 milionë lekë dhe e treta Partia e Lirisë me 15.5 milionë lekë.
Partia Republikane merr 11.4 milionë lekë, PDIU merr 9.7 milionë lekë, ndërsa socialdemokratët 12.3 milionë lekë.
PBDNJ, PAA, PLL dhe LZHK përfitojnë nga 8 milionë lekë kurse “Rithemelimi” i Berishës nuk ka marrë asnjë qindarkë.
Fondet, sakaq, nuk kalojnë menjëherë, pasi fillimisht partitë duhet të dorëzojnë raportet e tyre financiare për vitin 2023.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
