Pyetjes nëse Shqipëria sot ka një diplomaci të mirë Arta Dade iu përgjigj duke thënë se shërbimi ynë diplomatik mund të konsiderohet i kualifikuar. E ftuar në emisionin “Arnautistan” në MCN TV Dade theksoi se duhet të zbatohet një pjesë e ligjit për emërimet për ambasador në mënyrë që të mos demotivohen diplomatët e vërtetë.
“Fakti që kemi marrë disa gjëra përsipër besojnë që kërkohet një angazhim për diplomacinë. Nëse zbatohet një pjesë e ligjit për emërimet për ambasador shërbimi diplomatik i yni mund të konsiderohet i kualifikuar por duhet të jetë i përgatitur në emërimet në ambasadorë. Është një shërbim delikat që duhet parë dhe trajtuar, nuk e di nëse ende ofrohen ende shërbime për përgatitjen e diplomatëve të rinj. Tashmë ka marrë më shumë vëmendje procesi i integrimit. Kërkohen vërtetë kapacitete të kualifikuara për të marketuar cilësitë e vendit”, tha Dade.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
