Politologu Fitim Zekthi duke folur në emisionin “Bilardo” tha që sistemi në Shqipëri i kontrollon njerëzit, të cilët kanë nevoja bazike, dhe mbahen nga rroga.
"Ky lloj sistemi përpiqet ta bëjë të pamundur thënien e të vërtetës në tërësi, i kontrollon njerëzit. Duke qenë një vend i varfër, ne kemi nevoja bazike, ne të dy mbahemi me rroga. Mua po të marrësh rrogën, do kem vështirësi të paguaj gjërat parlamentare. Sistemi politik mund ta lejojë tek tuk të thuhet e vërteta, por s’do e lejoj që ajo të thuhet e madhe, e zëshme. Dialektika është shumë polarizuese, në dukje është ekstreme, por në substancë s’ka konflikt. Nuk lejohet zëri i arsyeshëm, sepse ai do anatemohet”.
Duke folur mbi sistemin, politologu vuri në dukje se partia politike është vetëm një nga komponentët e tij.
"Politika është vetëm një komponentë e rëndomtë. Shqipëria sot nuk drejtohet nga partia politike, që është një komponente, por është partia politike, krimi i organizuar dhe krimi klientelist”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
