Ministri i Jashtëm, Ditmir Bushati, e konsideron një moment të rëndësishëm prezantimin muajin e ardhshëm të Strategjisë së Zgjerimit të Komisionit Evropian. Gjatë fjalës së tij në konferencën “Bashkëpunimi Territorial, perspektivë e re për nxitjen e integrimit”, Bushati tha se Shqipëria pret propozime konkrete për hapat që duhet të ndërmarrë për procesin e integrimit.
“Strategjia e Zgjerimit të Komisionit Evropian e cilado të prezantohet nga Presidenti Junker muajin qëvjen, shënon një moment tejet pozitiv për rajonin tonë, sepse e vendos në fokus politik dhe në një perspektivë konkrete politikën e zgjerimit, në një kohë kur skepticizmi ndaj zgjerimit të mëtejshëm të Unionit është mbizotërues në politikën dhe opinionin publik evropian.
Ne presim nga kjo strategji propozime konkrete për hapat e radhës në ecurinë e procesit të aderimit për vendet e rajonit, përfshirë Shqipërinë,në një perspektivë afatshkurtër e afatgjatë. Është shumë e qartë që cilësia dhe shpejtësia e reformave kyçe, e sidomos atyre që lidhen me forcimin e shtetit ligjor dhe sundimin e të drejtës,lidhen drejtëpërdrejt me perspektivën konkretedhe me presionin pozitiv që Bashkimi Evropian mund të ushtrojë mbi vendet tona”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
