Pas shembjes së Teatrit Kombëtar dhe protestës së artistëve, qytetarëve dhe shoqërisë civile, që vijon ende, kryebashkiaku Erion Veliaj doli në një lidhje live nga zyra e tij. Veliaj tha se vendimi për shembjen e Teatrit Kombëtar ishte i vështirë, por i drejtë.
Protestën që i parapriu dhe pasoi shembjen e Teatrit, Veliaj e cilëson përçarje që po provokohet nga partitë politike.
“Teatri i vjetër iku. Të përgatitemi për të riun. Sot i shtrij dorën kujtdo, edhe atyre që nuk kanë njohuritë bazë që ai nuk ishte kurrë monyumnet, por teneqe. Ajo ndërtesë ishte e rrezikshme. Ne na duhet një teatër modern. Ju shtrij dorën atyrëe që ndihen të trishtuar, që ndihen se një betejë u mori kohë dhe energji. Nuk është kështu. Ne duhet të vendosim mbi atë që thonë ekspertët. Të përqafojmë njëri-tjetrin, të mos lëmë partitë të na përçajnë. Patitë politike fërkojnë duart në të tilla raste”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
