Kryeminitri Edi Rama ka vijuar turin e tij falënderues këtë të shtunë në jug të vendit, ku ndali është në qytetin e Sarandës. Nga aty, Rama tha se ky qytet është sot një motor i zhvillimit ekonomik për gjithë vendin, që sipas tij ka një potencial të madh.
“Saranda është sot një motor i zhvillimit ekonomik të vendit, të vendit jo vetëm vetes. Dhe duhet të nxjerrim nga ky motor shumë më tepër, sepse ka një potencial shumë të madh”, tha Rama.
Gjithashtu, kreu i qeverisë nuk mbeti pa përmendur edhe Ksamilin, një nga zonat bregdetare sipas tij, më i preferuar nga turistët. Ai tha se në planin e punës të qeverisë parashikohen disa ndërhyrje të rëndësishme për Ksamilin.
“Ksamili është një nga pikat më të vizituara të Mesdheut sot faktikisht. Por ne Ksamilin nuk e kemi trajtuar akoma me të gjithë forcën, se gjërat bëhen me radhë, nuk kemi mundësi t’i bëjmë të gjithë përnjëherë. Por ama kemi tanimë në planin e punës ndërhyrjet e rëndësishme edhe në Ksamil. Për t’i dhënë edhe Ksamilit një përmasë tjetër, nga pikëpamja e sistemimit, e hapësirës dhe të kushteve. Patjetër të gjitha këto do t’i bëjmë”, është shprehur Kryeministri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
