Kreu i PD Sali Berisha deklaroi sot se LaCivita ka paralajmëruar kryeministrin Edi Rama, që të mos luajë me zgjedhjet, sepse pasojat do të bien mbi të.
Berisha e krahasoi klimën e tanishme të krahasueshme me vitet 1991-1992 , që sipas tij paralajmëron përmbysjen e pashmangshme të diktaturës me datën 11 maj.
“Ndryshime të mëdha kanë ndodhur. Siç e shihni, është e vërtetë që Edi Rama bën gjithçka, por është e vërtetë se prozhektorë të fuqishëm janë drejtuar drejt Shqipërisë. Është e vërtetë se brenda tyre ka një shkërmoqje të paparë.
Është e vërtetë se ka 2 muaj që këndojnë himnin e hajdutit, përpiqen të mbrojnë Erion Veliajn. Nga ana tjetër, tre rezoluta ndërkombëtare, kanë denoncuar botërisht Edi Ramën si njeriun e farsës elektorale.
Nga ana tjetër, atij i erdhi një paralajmërim shumë i fortë nga kryetari i Komitetit Kombëtar Republikan, zoti Chris LaCivita, i cili e paralajmëroi që të mos luajë me zgjedhjet sepse pasojat do të bien mbi të.
Pra, është ky kompleks faktorësh. Është edhe një klimë siç e keni ndjerë ju në diasporë, e cila është e krahasueshme me vitet 1991-1992 që paralajmëron përmbysjen e pashmangshme të diktaturës me datën 11 maj”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
