“Sot është dita kur një parti politike në pushtet arreston kundërshtarin e saj kryesor se nuk ka kryer asnjë krim”, shkroi Donald Trump në një email drejtuar mbështetësve të tij.
Ish-presidenti amerikan kërkon që gjyqi për rastin e yllit porno duhet të zhvendoset në Staten Island, duke shmangur gjykatën në Manhattan, një "vend shumë i anshëm, me disa zona që votojnë 1% republikanët", shkruan ai në rrjetin Truth social.
Staten Island – i vetmi qark që votoi për të në 2016 dhe 2020 – “do të ishte një vend shumë i drejtë dhe i sigurt për gjykim”.
"Për më tepër - vazhdon ai - gjyqtari shumë i njëanshëm dhe familja e tij njihen mirë si urrejtës të Trump".
Trump është në Nju Jork, në apartamentin nën çati të kullës që mban emrin e tij në Fifth Avenue përpara aktakuzës në seancën historike në rastin e yllit porno Stormy Daniels. Ai do të jetë ish-presidenti i parë amerikan që do të vihet nën hetim penal. Nju Jork është blinduar me barriera dhe agjentë rreth gjykatës së Manhatanit dhe Kullës Trump.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
