'Gati për Shqipërinë', Rama fton të rinjtë t’i bashkohen sfidës së mandatit të tretë

Një tjetër ftesë ka ardhur këtë mëngjes nga kryeministri Rama për të gjithë ata të rinj që dëshirojnë t’i bashkohen  sfidës së Mandatit të tretë.

Përmes një postimi në rrjetet e tij sociale, Rama ka treguar se çdo i interesuar mund të aplikoi në platformën e posaçme ëëë.gatipershqiperine.al, e cila është e ndarë sipas fushave të interesit.

Mirëmëngjesi dhe duke informuar të gjithë ata që duan të na bashkohen në sfidën e Mandatit të Tretë, se tashmë aplikimet e të interesuarve për nismën GATIPËRSHQIPËRINË bëhen në platformën e posaçme www.gatipershqiperine.al ku mund të ndiqet edhe ecuria e procesit të seleksionimit, me ndarjet sipas fushave të interesit, ju uroj një ditë të mbarë

Kujtojmë se pas fitores në zgjedhjet e 25 prillit, kryeministri Edi Rama shpalli nismën 'Gati për Shqipërinë' ku u ka kërkuar të rinjve ekselentë në Shqipëri dhe jo vetëm, ide dhe plane për qeverisjen në mandatin e tretë.

Faza tjetër që do pasojë ky proces do të jetë me ministrat përkatës në bazë të ideve për të përzgjedhur më pas më të mirat.