Gjykata Administrative rrëzon kërkesën për sigurimin e padisë së aktores Anila Bisha. Aktorja dhe avokati mbrojtës kishin kërkuar pezullimin e ministres virtuale Diella derisa çështja të zgjidhej në themel.
Pak ditë më parë, aktorja e Teatrit Kombëtar, Anila Bisha, imazhi dhe zëri i së cilës, janë përshtatur për avatarin qeveritar, depozitoi sigurim të kërkesë-padisë në Gjykatën Administrative, ku si palë janë Këshilli i Ministrave, Kompania Apel shpk, AKSHI dhe kryeministri Edi Rama.
Ajo kërkoi që deri në përfundimin e procesit gjyqësor, të dhënat e saj personale të mos përdoren më.
Ndërkohë, në padinë që do të pasojë në gjykatë, Bisha ka parashikuar si objekt, dhe një dëmshpërblim 1 milion euro, për dëmtim të imazhit, si rrjedhojë e përdorimit të pautorizuar të të dhënave personale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
