Komisioni Rregullator vendosi sot në mbledhjen e saj që në zgjedhjet e pjesshme për Kryetarin e Bashkisë Kukës që do të zhvillohen në datën 24 Shtator, të përdoren kamerat regjistruese dhe monitorët për shfaqjen e fletëve të votimit në vendin e numërimit të votave.
Do të përdoret sistemi i transmetimit video në kohë reale të monitorimit të numërimit të votave nga vendi i numërimit të votave, në ambientet e Komisionit Qendror të Zgjedhjeve.
Përdorimi i kamerave regjistruese e monitorëve (ekraneve) dhe sistemi i transmetimit video në kohë reale nga vendi i numërimit të votave, në ambientet e Komisionit Qendror të Zgjedhjeve, do të bëhet në bazë të rregullave procedurale të miratuara me akt normativ të Komisionit Rregullator.
Gjithashtu, Komisioni Rregullator vendosi që në zgjedhjet e pjesshme për Kryetarin e Bashkisë Kukës të përdoret pajisja elektronike e identifikimit të zgjedhësve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
