Dy partitë më të mëdha opozitare e kanë përkujtuar në forma të ndryshme ditën e 17 Nëntorit. Partia Demokratike organizoi para Kuvendit, një aktivitet tek monumenti i 39 martirëve intelektualë të vrarë nga regjimi komunist 80 vite me parë.
Në këtë aktivitet, morën pjesë deputetë demokratë, aleatë dhe ish-të përndjekur politikë.
Nëpërmjet një mesazhi online, kryetari i PD, Sali Berisha e krahasoi veten me këta martirë, duke akuzuar kryeministrin Rama si kreun e diktaturës së re në Shqipëri.
Ndërsa bashkëpunëtorët e Ilir Metës tek Partia e Lirisë, vendosën kurora me lule tek monumenti i Ushtarit të Panjohur, për të kremtuar 80-vjetorin e Cclirimit të Tiranës.
Ra në sy se njëjtë si Partia e Lirisë, edhe zyrtarë të qeverisë e Partisë Socialiste, nga kryebashkiaku Erion Veliaj, kryetarja e Kuvendit, Elisa Spiropali apo deputetë të mazhorancës socialiste vendosën kurora me lule tek 'Ushtari i Panjohur' duke zhvilluar dhe një aktivitet aty.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
